തൊടുപുഴ
കേരള ഗസറ്റഡ് ഓഫീസേഴ്സ് അസോസിയേഷൻ കലാമേളയില് തിരുവനന്തപുരം സൗത്ത് ജില്ല ഓവറോള് ചാമ്പ്യന്മാര്. 174 പോയിന്റോടെയാണ് കിരീടത്തിലേക്ക് കുതിച്ചത്. 163 പോയിന്റോടെ തൃശൂര് ജില്ലയാണ് രണ്ടാമത്. ആദ്യദിവസം അവസാനിക്കുമ്പോള് തൃശൂരായിരുന്നു മുന്നില്. തിരുവനന്തപുരം സൗത്ത് രണ്ടാമതുമായിരുന്നു. കോട്ടയത്തിന്റെ ഡോ. അപ്പു ഗോപാലകൃഷ്ണനും അജിത് ആൻഡ്രൂസും കലാപ്രതിഭകളായി തെരഞ്ഞെടുക്കപ്പെട്ടു. പാലക്കാടിന്റെ എം ദിവ്യയാണ് കലാതിലകം. കോഴിക്കോടിന്റെ ആര് സിന്ധു സര്ഗപ്രതിഭയായും തെരഞ്ഞെടുക്കപ്പെട്ടു.
തൊടുപുഴ അല് അസ്ഹര് കോളേജില് ശനിയാഴ്ചയാണ് കലാമേള തുടങ്ങിയത്. സമാപന സമ്മേളനം സംവിധായകൻ മിഥുൻ മാനുവല് തോമസ് ഉദ്ഘാടനംചെയ്തു. വിജയികള്ക്ക് കെ പി മേരിക്കൊപ്പം ട്രോഫികള് സമ്മാനിച്ചു. കെജിഒഎ സംസ്ഥാന പ്രസിഡന്റ് ഡോ. എസ് ആർ മോഹനചന്ദ്രൻ അധ്യക്ഷനായി. സംഘാടകസമതി ചെയർപേഴ്സൺ കെ പി മേരി, ജനറൽ കൺവീനർ ജയൻ പി വിജയൻ, അല് അസ്ഹര് പ്രിൻസിപ്പല് കെ എ ഖാലിദ്, കെജിഒഎ സംസ്ഥാന ജനറൽ സെക്രട്ടറി എം ഷാജഹാൻ, ജില്ലാ സെക്രട്ടറി അബ്ദുൽ സമദ്, പ്രസിഡന്റ് ബിജു സെബാസ്റ്റ്യൻ എന്നിവർ സംസാരിച്ചു.
