തൊടുപുഴ: തെക്കുംഭാഗം റോഡ് വീതി കൂട്ടി ആധുനിക നിലവാരത്തില് ടാറിങ് നടത്തുന്ന ജോലികള് അവസാന ഘട്ടത്തില് എത്തിയെങ്കിലും വാഹന യാത്രക്കാര്ക്ക് അപകട ഭീഷണിയായി റോഡരികില് നില്ക്കുന്ന വൈദ്യുതി തൂണുകളും ഉപയോഗ ശൂന്യമായ ടെലിഫോണ് തൂണുകളും മാറ്റി സ്ഥാപിക്കാന് നടപടിയില്ല. കാരിക്കോട് മുതല് തെക്കുംഭാഗം മലങ്കര ഗേറ്റ് വരെയുള്ള റോഡില് ടാര് റോഡിലേക്ക് കയറി സ്ഥിപച്ചിരുന്ന ഏതാനും വൈദ്യുതി തൂണുകള് പൊതുമാരമത്ത് അധികൃതരുടെയും മറ്റും ഇടപെടലിനെ തുടര്ന്ന് ടാറിങ് ആരംഭിക്കുന്നതിനു മുന്പ് അരികിലേക്ക് മാറ്റിയിരുന്നു. എന്നാല് ചില ഭാഗങ്ങളില് ടാറിങിനോട് ചേര്ന്ന് നില്ക്കുന്ന തൂണുകള് ഇനിയും മാറ്റിയിട്ടില്ല. തടിപ്പാലം കഴിഞ്ഞുള്ള ഭാഗത്ത് 11 കെ.വി ലൈന് കടന്നു പോകുന്ന രണ്ട് തൂണുകളാണ് റോഡിലേക്ക് കയറി നില്ക്കുന്നത്. മാത്രമല്ല ഇരു വശത്തായി നില്ക്കുന്ന രണ്ട് തൂണുകളും റോഡിലേക്ക് ചെരിഞ്ഞ് ഏത് സമയത്തും താഴേക്ക് പതിക്കാവുന്ന അവസ്ഥയിലുമാണ്. നല്ല നിലവാരത്തില് ടാര് ചെയ്യുന്ന റോഡിലൂടെ വാഹനങ്ങള് കടന്നു പോകുമ്പോള് ഈ തൂണുകള് ഡ്രൈവര്മാരുടെ ശ്രദ്ധയില് പെടാതെ ഇതില് തട്ടി വലിയ അപകടങ്ങള്ക്ക് ഇടയാക്കുമെന്നാണ് നാട്ടുകാരുടെ പരാതി. റോഡില് അവസാന ഘട്ട ടാറിങ് ചെയ്യുന്നതിനു മുന്പ് തന്നെ കീരികോട് ഭാഗത്ത് ലോറി തട്ടി രണ്ട് വൈദ്യുതി തൂണുകള് ഇതിനിടെ ഒടിഞ്ഞു. ഈ സാഹചര്യത്തില് വാഹന യാത്രക്കാരെ അപകടത്തിലാക്കുന്ന രണ്ട് വൈദ്യുതി തൂണുകള് മാറ്റി സ്ഥാപിക്കാന് നടപടി വേണമെന്നാണ് ആവശ്യം. ഇതോടൊപ്പം കീരികോട് ഭാഗത്ത് സഹകരണ ബാങ്കിന് സമീപം റോഡിലേക്ക് ഇറങ്ങി നില്ക്കുന്ന വൈദ്യുതി തൂണും മാറ്റി സ്ഥാപിക്കാന് നടപടി വേണം. കൂടാതെ വര്ഷങ്ങള്ക്ക് മുന്പ് സ്ഥാപിച്ച ടെലിഫോണ് തൂണുകള് മാറ്റണമെന്നും നാട്ടുകാര് ആവശ്യപ്പെട്ടു. ഇത്തരത്തില് യാതൊരു പ്രയോജനവുമില്ലാതെ വഴിയോരത്ത് അനേകം ടെലിഫോണ് തൂണുകള് നിലവിലുണ്ടെന്നും പ്രദേശവാസികള് ചൂണ്ടിക്കാട്ടി.
തെക്കുംഭാഗം റോഡില് ടാറിങ് അവസാനഘട്ടത്തില്; റോഡരികലെ വൈദ്യുതി – ടെലഫോണ് തൂണുകള് മാറ്റാന് നടപടിയില്ല
More like this
77-ാം റിപ്പബ്ലിക് ദിനാഘോഷത്തിനൊരുങ്ങി ജില്ല: മന്ത്രി റോഷി അഗസ്റ്റിന് പതാക ഉയര്ത്തും
ഇടുക്കി: രാജ്യത്തിന്റെ 77ാം റിപ്പബ്ലിക് ദിനാഘോഷങ്ങള്ക്കായുള്ള ഒരുക്കങ്ങള് ജില്ലയില് പൂര്ത്തിയായി. തിങ്കളാഴ്ച (ജനുവരി 26) രാവിലെ 9 ന് ഇടുക്കി ഐ ഡി...
രാവുണരും ഷോപ്പിംഗ് തുടങ്ങും തൊടുപുഴ നൈറ്റ് സെയിലിലേക്ക്
തൊടുപുഴ : ഇടുക്കി ജില്ലയില് നടന്നു വരുന്ന വ്യാപാരോത്സവ് 2026 ന്റെ ഭാഗമായി, തൊടുപുഴ മര്ച്ചന്റ്സ് അസോസിയേഷന്റെ ആഭിമുഖ്യത്തില് ജനുവരി...
ഇടുക്കി മെഡിക്കല് കോളേജ്: പുതിയ ഓപ്പറേഷന് തീയറ്റര് ഉടന് തുറക്കും
ഇടുക്കി: മെഡിക്കല് കോളേജില് കാഷ്വാലിറ്റിയോട് ചേര്ന്ന് പുതിയ എമര്ജന്സി ഓപ്പറേഷന് തീയറ്റര് ഉടന് പ്രവര്ത്തനം ആരംഭിക്കുമെന്ന് മന്ത്രി റോഷി അഗസ്റ്റിന്. ജില്ലാ കളക്ടറുടെ...