കൊച്ചി: കലൂര് സ്റ്റേഡിയത്തിലെ ഗാലറിയിൽ നിന്ന് വീണ് ഗുരുതരമായി പരിക്കേറ്റ ഉമ തോമസ് എംഎൽഎയുടെ ആരോഗ്യനിലയിൽ പുരോഗതി. രാവിലെ ഉമ തോമസ് കണ്ണു തുറന്നു. കൈകാലുകള് അനക്കി. ഉമ തോമസിനെ കണ്ടശേഷം മകൻ വിഷ്ണുവാണ് അമ്മ കണ്ണു തുറന്നുവെന്നും കൈ കാലുകള് അനക്കിയെന്നും പറഞ്ഞത്.
ഉമ തോമസിൻെറ ആരോഗ്യനിലയിൽ നേരിയ പുരോഗതിയുണ്ടെന്നാണ് മെഡിക്കൽ സംഘം പറയുന്നു. ശ്വാസകോശത്തിന്റെ പ്രവർത്തനം ഭേദപ്പെട്ടു. എന്നിരുന്നാലും അവർ ഗുരുതരാവസ്ഥയിൽ തന്നെയാണ്. അണുബാധയുണ്ടാകാതെ സൂക്ഷിക്കുകയെന്നതാണ് വെല്ലുവിളി. തുടർചികിൽസക്കാണ് പ്രാധാന്യം
അതേസമയം, ഉമ തോമസ് എംഎൽഎയ്ക്ക് അപകടം ഉണ്ടായ സംഭവത്തിൽ സംയുക്ത പരിശോധന റിപ്പോര്ട്ടും പുറത്തുവന്നു. കലൂർ സ്റ്റേഡിയത്തിൽ വൻ സുരക്ഷാ വീഴ്ച എന്നാണ് സംയുക്ത പരിശോധനാ റിപ്പോർട്ട്. പൊലീസും ഫയർ ഫോഴ്സും പൊതുമരാമത്ത് വിഭാഗങ്ങളാണ് റിപ്പോർട്ട് തയ്യാറാക്കിയത്. സ്റ്റേജ് നിർമിച്ചത് അപകടകടമായി തന്നെയാണെന്നും അധികമായി നിർമിച്ച ഭാഗത്തിനു വേണ്ട ഉറപ്പ് ഉണ്ടായിരുന്നില്ലെന്നും റിപ്പോര്ട്ടിൽ പറയുന്നു. വിഐപി സ്റ്റേജിന് അടുത്തായി ആംബുലൻസ് ഇല്ലാതിരുന്നത് അടിയന്തര വൈദ്യ സഹായം ലഭ്യമാക്കാൻ വൈകിയെന്നും റിപ്പോർട്ടിലുണ്ട്.
