മൂന്നാർ : ഓട്ടോറിക്ഷയിൽ കൊണ്ടുപോകുകയായിരുന്ന 100 ലിറ്റർ വിദേശമദ്യവുമായി രണ്ടു യുവാക്കളെ എക്സൈസ് സംഘം അറസ്റ്റ‌് ചെയ്തു. മാട്ടുപ്പെട്ടി എസ്റ്റേറ്റിൽ നെറ്റിമേട് ഡിവിഷനിൽ രജിത്ത് കുമാർ സുഡലെ (28), ഗ്രഹാംസ് ലാൻഡ് എസ്റ്റേറ്റിൽ ദീപക് ചന്ദ്രൻ (28) എന്നിവരാണ് അറസ്‌റ്റിലായത്. മദ്യം കടത്താനുപയോഗിച്ച ഓട്ടോറിക്ഷയും കസ്റ്റഡിയിലെടുത്തു. ശനിയാഴ്ച വൈകിട്ട് ഗ്രഹാംസ് ലാൻഡ് റോഡിൽ വച്ചാണ് ഇവർ പിടിയിലായത്. ഞായറാഴ്ച ഡ്രൈഡേ പ്രമാണിച്ച് എല്ലപ്പെട്ടി, മാട്ടുപ്പെട്ടി മേഖലകളിൽ വിൽപന നടത്തുന്നതിനാണ് ഇവർ സർക്കാർ മദ്യശാലകളിൽ നിന്ന് ഇവ വാങ്ങിയത്. എക്സൈസ് ഇൻസ്പെക്ടർ ടി.ജി.വിഷ്ണുവിൻ്റെ നേതൃത്വത്തിലാണ് ഇവരെ പിടികൂടിയത്. ദേവികുളം കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
