അടിമാലി: മധ്യവയസ്ക്കനെ
തോട്ടിൽ മരിച്ച നിലയിൽ കണ്ടെത്തി. അടിമാലിയിൽ വാടക വീട്ടിൽ താമസിക്കുന്ന നെടുങ്കണ്ടം
മൈനർസിറ്റി പോളക്കൽ പ്രതീപ് ഭാസ്ക്കര (51) നെയാണ് അടിമാലി
തോട്ടിൽ മരിച്ച നിലയിൽ കണ്ടെത്തിയത്. വാടകക്ക് താമസിക്കുന്ന വീട്ടിലേക്ക് രാത്രിയിൽ പോകുമ്പോൾ കാൽവഴുതി
തോട്ടിലേക്ക് വീണതാകാമെന്നാണ്
പോലീസ് നിഗമനം. ഇയാൾ ചൂടിയ കുടയും സമീപത്ത് തന്നെ ഉണ്ടായിരുന്നു. വാടക വീടിനോട് ചേർന്ന് തന്നെയാണ് അപകടം ഉണ്ടായത്. 15 വർഷത്തോളമായി പ്രതീപ് അടിമാലിയിൽ ഉണ്ട്. കെട്ടിട നിർമ്മാണ തൊഴിലാളിയാണ്. ഇയാൾ തനിച്ചാണ് താമസിച്ചിരുന്നത്. പോലീസ് നടത്തിയ അന്വേഷണത്തിൽ നെടുങ്കണ്ടം
മൈനർ സിറ്റിയിൽ ഇത്തരത്തിൽ ഒരാൾ താമസിച്ചിരുന്നതായി അറിവ് ലഭിച്ചിട്ടില്ല. ആധാർ കാർഡോ മറ്റ് തിരിച്ചറിയൽ രേഖയോ കിട്ടിയില്ല.
ഇയാളെ അറിയുന്നവർ അടിമാലി
പോലീസിനെ വിവരം അറിയിക്കണമെന്ന് എസ്.എച്ച്.ഒ അറിയിച്ചു. മൃതദേഹം അടിമാലി താലൂക്ക് ആശുപത്രി മോർച്ചറിയിലേക്ക് മാറ്റി
