മറയൂർ: മറയൂർ പഞ്ചായത്തിൽ കന്നിയാർ പുഴയിൽ മൂന്നു ദിവസത്തിലധികം പഴക്കമുള്ള പുലിയുടെ ജഡം കണ്ടെത്തി. രണ്ടു വയസ് പ്രായമുള്ള ആൺപുലിയുടെ ജഡമാണ് കന്യാങ്കടവ് ഭാഗത്ത് വെള്ളത്തിൽ കിടന്ന നിലയിൽ കണ്ടെടുത്തത്. കഴുത്തിൽ മുറിവുണ്ട്.കുടുക്കിൽ കുടുങ്ങിയതായിരിക്കാം എന്ന നിഗമനത്തിലാണ് വനം വകുപ്പ് ഉദ്യോഗസ്ഥർ. കേസ്സെടുത്ത് അന്വേഷണം ആരംഭിച്ചതായി മറയൂർ ചന്ദന ഡിവിഷൻ ഡി എഫ് ഒ പി.ജെ. സുഹൈബും മറയൂർ റെയ്ഞ്ച് ഓഫീസർ അബ്ജു.കെ.അരുണും പറഞ്ഞു. തേക്കടി അസി. ഫോറസ്റ്റ് വെറ്റിറനറി ഓഫീസർ ഡോ.അനുരാജ്, മറയൂർ വെറ്റിറനറി ഓഫീസർ ഡോ.അനിലബാബു എന്നിവരുടെ നേതൃത്വത്തിലാണ് പോസ്റ്റുമോർട്ടം നടപടികൾ പൂർത്തികരിച്ചത്.
നാഷണൽ ടൈഗർ കൺസർവേഷൻ അതോറിറ്റിയിലെ ഡോ.മാത്യൂ തോമസ്, എം.എൻ.ജയചന്ദ്രൻ, വന്യ ജീവി ഡിവിഷൻ പ്രതിനിധി മറയൂർ ചന്ദന ഡിവിഷൻ ഡി എഫ് ഒ പി.ജെ. സുഹൈബ് എന്നിവരുടെ നിരീക്ഷണത്തിലാണ് മേൽനടപടികൾ സ്വീകരിച്ചത്. നടപടികൾ പൂർത്തികരിച്ച് പുലിയുടെ ജഡം സംസ്ക്കരിച്ചു.
