സി.ബി.എസ്.ഇ സെന്‍ട്രല്‍ കേരള കലോത്സവം:ആവേശം നിറഞ്ഞ പോരാട്ടം…….മൂവാറ്റുപുഴ നിര്‍മല പബ്ലിക് സ്‌കൂള്‍ മുന്നേറുന്നു

തൊടുപുഴ: കലോത്സവ നഗരിയിലെ വിവിധ വേദികളില്‍ ആവേശം നിറഞ്ഞ പോരാട്ടം അരങ്ങേറുകയാണ്. ഒന്നാം ദിനത്തിലെ മത്സരങ്ങള്‍ പൂര്‍ത്തിയായപ്പോള്‍ 500 പോയിന്റ് നേടി മൂവാറ്റുപുഴ നിര്‍മല പബ്ലിക് സ്‌കൂള്‍ ഒന്നാമതും, 421 പോയിന്റോടെ വാഴക്കുളം കാര്‍മല്‍ പബ്ലിക് സ്‌കൂള്‍ രണ്ടാമതും, 380 പോയിന്റോടെ തൊടുപുഴ വിമല പബ്ലിക് സ്‌കൂള്‍ മൂന്നാമതും ശക്തമായ പോരാട്ടം തുടരുന്നു. 314 പോയിന്റുമായി കൂത്താ്ട്ടുകുളം മേരിഗിരി പബ്ലിക് സ്‌കൂള്‍, വാളകം ബ്രൈറ്റ് പബ്ലിക് സ്‌കൂള്‍ എന്നിവര്‍ തൊട്ടു പിന്നിലുണ്ട്. വ്യാഴാഴ്ച ആകെ നടന്നത് 41 ഇനങ്ങളിലാണ്. ചില മത്സരങ്ങളുടെ ഫലം പുറത്തു വരാനുള്ളതിനാല്‍ പോയിന്റു നിലയില്‍ മാറ്റം വരും.
തൊടുപുഴ വിമല പബ്ലിക് സ്‌കൂള്‍ ആതിഥ്യം അരുളന്ന കലോത്സവത്തില്‍ 15 പരം വേദികളിലായാണ് മത്സരങ്ങള്‍ നടക്കുന്നത്. വിവിധ ഇനങ്ങളിലായി അയ്യായിരത്തോളം പ്രതിഭകള്‍ കലോത്സവത്തില്‍ മാറ്റുരയ്ക്കും. ഇടുക്കി, തൃശൂര്‍, എറണാകുളം ജില്ലകളിലെ നൂറില്‍പരം സ്‌കൂളുകളില്‍ നിന്നുള്ള കുട്ടികളാണ് മത്സരത്തില്‍ പങ്കെടുക്കുക. വ്യാഴാഴ്ച മാര്‍ഗംകളി (പെണ്‍കുട്ടികള്‍), ഗ്രൂപ്പ് ഡാന്‍സ് (പെണ്‍കുട്ടികള്‍), നാടോടി നൃത്തം, ഭരതനാട്യം, മോണോ ആക്ട്, ലളിതഗാനം, മൃദംഗം, തബല, വയലിന്‍, വിവിധ ഭാഷകളിലെ പ്രസംഗങ്ങള്‍ തുടങ്ങിയ മത്സരങ്ങളാണ് അരങ്ങേറിയത്.
വെള്ളിയാഴ്ച 14 വേദികളിലായി നാല് കാറ്റഗറികളിലെ ഗ്രൂപ്പ് സോങ്ങ്, മൈം, തിരുവാതിരകളി, ഇംഗ്ലീഷ് വണ്‍ ആക്ട് പ്ലേ, മോഹിനിയാട്ടം, വെസ്റ്റേണ്‍ മ്യൂസിക്, ഭരതനാട്യം, ഏകാഭിനയം, സംഘനൃത്തങ്ങള്‍, കോല്‍കളി, മാര്‍ഗംകളി, പാശ്ചാത്യ സംഗീതം, മോഹിനിയാട്ടം, ദേശഭക്തിഗാന മത്സരം, ശാസ്ത്രീയ സംഗീതം, മോണോ ആക്ട്, ഭരതനാട്യം, ക്ല്ാസിക്കല്‍ മ്യൂസിക്, ഗിത്താര്‍, ലളിത ഗാനം, ആങ്കറിങ്, മിമിക്രി, മാപ്പിളപ്പാട്ട്, പ്രസംഗ മത്സരം തുടങ്ങിയവ നടക്കും. കലാത്സവം 18 ന് സമാപിക്കും.