ഇടുക്കി: പോക്‌സോ കേസില്‍ പീരുമേട് സബ് ജയിലില്‍ റിമാന്റില്‍ കഴിയുന്ന പ്രതിയെ ശുചിമുറിയില്‍ തൂങ്ങി മരിച്ച നിലയില്‍ കണ്ടെത്തി. കുമളി പളിയക്കുടി ലബ്ബക്കണ്ടം സ്വദേശി കുമാര്‍ (35) ആണ് മരിച്ചത്. വെള്ളിയാഴ്ച രാവിലെ പ്രഭാത ഭക്ഷണത്തിന് എല്ലാവരും പുറത്തിറങ്ങിയപ്പോള്‍ പ്രഭാതകൃത്യത്തിന് എന്ന വ്യാജേന ശുചിമുറിയില്‍ കയറി ഉടുമുണ്ടില്‍ തൂങ്ങുകയായിരുന്നു. 2024 ല്‍ കുമളി പോലിസ് രജിസ്റ്റര്‍ ചെയ്ത കേസില്‍ വിചാരണ നേരിടുകയായിരുന്നു. മൃതദേഹം പോസ്റ്റ് മോര്‍ട്ടത്തിനായി മാറ്റി.
