ഇടുക്കി: ശാന്തന്‍പാറ പോലീസ് സ്റ്റേഷനില്‍ കുഴഞ്ഞു വീണ ആദിവാസി കാണി മരിച്ചു. ചിന്നക്കനാലിലെ ചെമ്പകത്തൊഴുകുടിയിലെ കാണി ചെല്ലന്‍ (80)ആണ് മരിച്ചത്. ഉന്നതിയിലെ രണ്ടുപേര്‍ തമ്മിലുള്ള പ്രശ്‌നം പറഞ്ഞു തീര്‍ക്കാന്‍ സ്റ്റേഷനിലെത്തിയതായിരുന്നു ചെല്ലന്‍. പ്രശ്‌നം പറഞ്ഞു തീര്‍ത്ത ശേഷം എഴുന്നേറ്റപ്പോള്‍ കുഴഞ്ഞു വീഴുകയാണുണ്ടായത്. ഉടന്‍ തന്നെ പോലീസ് ജീപ്പില്‍ രാജകുമാരിയിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.ഹൃദയാഘാതമാണ് മരണ കാരണമെന്നാണ് പോലീസ് പറഞ്ഞത്. 6 മാസം മുന്‍പും ഇതു പോലെ ഹൃദയാഘാതം സംഭവിച്ചിട്ടുള്ളതാണ്. മൃതദേഹം ഇടുക്കി മെഡിക്കല്‍ കോളജിലേക്ക് മാറ്റി. ഭാര്യ:- പരേതയായ സുബ്ബമ്മാള്‍ .മക്കള്‍: ധനരാജ് , മഹാലിംഗം, മയില്‍സാമി, മണികണ്ഠന്‍,അയ്യമ്മ.മരുമക്കള്‍: ഇംബ്രാണി, സുന്ദരി മാല, കാമാക്ഷി, രാജി .
