തൊടുപുഴ: 2025-26 അധ്യയന വർഷത്തിലെ സെൻട്രൽ കേരള സഹോദയ കലോത്സവ വേദിയായ തൊടുപുഴ വിമല പബ്ലിക് സ്കൂളിൽ സഹോദയ കലോത്സവ സർഗധ്വനി 2025 ന്റെ മാനുവൽ പ്രകാശനം സിനിമ, സീരിയൽ അഭിനേത്രി ഡെല്ല ജോർജ് നിർവഹിച്ചു.
ഒക്ടോബർ 16,17,18 തീയതികളിലാണ് കലോത്സവം നടത്തപ്പെടുന്നത്. അതിനു മുന്നോടിയായിട്ടാണ് കലോത്സവ മാനുവൽ പ്രകാശനം നടന്നത്.
സെൻട്രൽ കേരള സഹോദയ പ്രസിഡന്റ് ഫാദർ മാത്യു കരീത്തറ സി.എം. സി അധ്യക്ഷത വഹിച്ചു. സ്കൂൾ പ്രിൻസിപ്പലും സർഗ ധ്വനി 2025 ജനറൽ കൺവീനറും ആയ റവറന്റ് സിസ്റ്റർ എലൈസ് സിഎംസി സ്വാഗതം ആശംസിച്ചു . സഹോദയാ കോർഡിനേറ്റർ ഗിരീഷ് ബാലൻ കൃതജ്ഞത അർപ്പിച്ചു. പിടിഎ പ്രസിഡന്റ് ശ്രീ.സിജോ . ജെ.തൈച്ചേരിയിൽ, വൈസ് പ്രിൻസിപ്പൽ സിസ്റ്റർ ലിസ്ബത്, അക്കാഡമിക് കോഡിനേറ്റർ മഞ്ജു ജോസ് എന്നിവർ വേദിയിൽ സന്നിഹിതരായിരുന്നു.
ഇടുക്കി,എറണാകുളം,തൃശൂർ ജില്ലകളിലെ നൂറോളം സിബിഎസ്ഇ സ്കൂളുകളിൽ നിന്നും 5000ത്തിലധികം കുട്ടികൾ തങ്ങളുടെ പ്രതിഭ തെളിയിക്കുന്ന മത്സരവേദിയാണ് സെൻട്രൽ കേരള സഹോദയ കലോത്സവ് “സർഗധ്വനി 2025. ” 1,2,3,4, കാറ്റഗറികളിലായി ആണ് മത്സരം നടക്കുക.
