
തൊടുപുഴ: കരിമണ്ണൂരില് ഓടിക്കൊണ്ടിരുന്ന ഓട്ടോറിക്ഷയ്ക്ക് മുകളില് വൈദ്യുതി തൂണ് മറിഞ്ഞ് വീണു. സംഭവത്തില് ഓട്ടോ ഡ്രൈവര് ഉടുമ്പന്നൂര് സ്വദേശി നവാസ് പീടകപ്പറമ്പില് നിസാര പരിക്കുകളോടെ രക്ഷപ്പെട്ടു. ഇന്നലെ ഉച്ചക്ക് പന്ത്രണ്ടരയോടെയായിരുന്നു സംഭവം. നെയ്യശ്ശേരി മനയ്ക്കപ്പാടത്ത് വച്ചായിരുന്നു അപകടം. സംഭവ സമയം ഓട്ടോറിക്ഷയില് ഒരു യാത്രക്കാരന് ഉണ്ടായിരുന്നെങ്കിലും പരിക്കേല്ക്കാതെ രക്ഷപ്പെട്ടു. അപകടത്തില് ഓട്ടോയുടെ ചില്ലുകള് അടക്കം തകര്ന്നു.



