ബല്‍ജിയം: ലൈംഗികത്തൊഴിലാളികള്‍ക്ക് പ്രസവാവധിയും തൊഴില്‍ അവധിയും ഉറപ്പാക്കുന്ന തീരുമാനവുമായി ബല്‍ജിയം. ലൈം ഗികത്തൊഴിലാളികള്‍ക്ക് ആനുകൂല്യം നല്‍കുന്ന ആദ്യ രാജ്യമാകുകയാണ് ബല്‍ജിയം. ബല്‍ജിയം 2022-ല്‍ ലൈംഗിക തൊഴില്‍ കുറ്റകൃത്യമല്ലാതാക്കിയിരുന്നു. ജര്‍മനി, ഗ്രീസ്, നെതര്‍ലന്‍ഡ്, തുര്‍ക്കി എന്നീ രാജ്യങ്ങളിലും നിയമത്തിന് പ്രാബല്യം നല്‍കി. എന്നാല്‍ തൊഴില്‍ നിയമങ്ങളടക്കം നടപ്പിലാക്കുന്ന ആദ്യ രാജ്യമായിരിക്കുകയാണ് ബല്‍ജിയം.
വിപ്ലവകരമായ തീരുമാനമാണെന്നും ലോകത്തെമ്പാടുമുള്ള ലൈംഗിക തൊഴിലാളികളെ ഇത്തരം നിയമത്തിനുകീഴില്‍ കൊണ്ടുവരണമെന്നും ലൈംഗികത്തൊഴിലാളികളുടെ അവകാശത്തിനുവേണ്ടി പ്രവര്‍ത്തിക്കുന്ന സംഘടനകള്‍ പറഞ്ഞു. ആരോഗ്യ ഇന്‍ഷുറന്‍സുള്‍പ്പെടെ ലൈംഗികത്തൊഴിലാളികള്‍ക്ക് ലഭിക്കും. ഒമ്പത് മാസം ഗര്‍ഭിണിയായിരിക്കെ തനിക്ക് ജോലി ചെയ്യേണ്ടിവന്നുവെന്നും പണം ആവശ്യമുള്ളതിനാലാണ് തൊഴിലെടുക്കേണ്ടി വന്നതെന്നും ബല്‍ജിയത്തിലെ ലൈംഗികത്തൊഴിലാളിയായ സോഫിയെ ഉദ്ധരിച്ച് റിപ്പോര്‍ട്ട് ചെയ്യപ്പെട്ടിരുന്നു.
