ശബരിമല: സന്നിധാനത്തും പമ്പയിലും കനത്ത മഴ. ഞായറാഴ്ചയായിട്ടും തീര്‍ഥാടകരുടെ എണ്ണത്തില്‍ വന്‍ കുറവ് രേഖപ്പെടുത്തി. ശനിയാഴ്ച വൈകിട്ട് തുടങ്ങിയ ചാറ്റല്‍മഴ ഇന്ന് പുലര്‍ച്ചെയോടെ ശക്തിപ്രാപിച്ചു. സന്നിധാനത്ത് പുലര്‍ച്ചെ 3ന് നട തുറന്നപ്പോള്‍ വലിയ നടപ്പന്തല്‍ തിങ്ങി നിറഞ്ഞ് തീര്‍ഥാടകരായിരുന്നു. 5 മണിയായപ്പോഴേക്കും ക്യൂ നിന്നവരേല്ലാം പടിയിറങ്ങി. പിന്നാലെ വരുന്നവര്‍ക്ക് കാത്തുനില്‍ക്കാതെ ദര്‍ശനം നടത്താനായി.
ഇടവിട്ട് ശക്തമായ മഴ പെയ്യുന്നുണ്ട്. പമ്പയില്‍ നിന്നും സന്നിധാനത്തേക്ക് നീലിമല, അപ്പാച്ചിമേട് വഴിയാണ് തീര്‍ഥാടകരെ കയറ്റിവിടുന്നത്. നീലിമല പാതയില്‍ 18 നടപ്പന്തലുകള്‍ ഉണ്ട്. കൂടാതെ മരക്കൂട്ടം മുതല്‍ ശരംകുത്തി വഴി ക്യൂ കോംപ്ലക്‌സും ഉള്ളതിനാല്‍ മഴ നനയാതെ കയറി നില്‍ക്കാം. എന്നാല്‍ ദര്‍ശനം നടത്തി പടിയിറങ്ങുന്നവര്‍ പമ്പയില്‍ എത്തി വാഹനത്തില്‍ കയറുന്നതുവരെ മഴ നനയണം.
മാത്രമല്ല, പമ്പയില്‍ ജലനിരപ്പ് ഉയരാനുള്ള സാധ്യത കണക്കിലെടുത്ത് ദുരന്ത നിവാരണത്തിനുള്ള എല്ലാ മുന്‍കരുതലുകളും എടുത്തിട്ടുണ്ട്. ആറാട്ടുകടവില്‍ വെള്ളം തുറന്നുവിട്ട് ജലനിരപ്പ് ക്രമീകരിച്ചിട്ടുണ്ട്. ഇതിനു പുറമേ ജലസേചന വിഭാഗം ഉദ്യോഗസ്ഥരുടെ നിരീക്ഷണവും ശക്തമാക്കിയിട്ടുണ്ട്.
Home District News Pathanamthitta സന്നിധാനത്തും പമ്പയിലും കനത്ത മഴ. ഞായറാഴ്ചയായിട്ടും തീര്‍ഥാടകരുടെ എണ്ണത്തില്‍ വന്‍ കുറവ്
