യാത്രക്കാരെ വലച്ച് തിരുവനന്തപുരം സെന്‍ട്രല്‍ഡിപ്പോയിലെ മൂന്നാര്‍ സ്വിഫ്റ്റ് സൂപ്പര്‍ ഫാസ്റ്റ് സര്‍വീസ്

തിരുവനന്തപുരം: ഷെഡ്യൂള്‍ സമയക്രമം പാലിക്കാതെ സ്ഥിരമായി യാത്രക്കാരെ വലക്കുന്ന സര്‍വീസ് ആയി മാറി തിരുവനന്തപുരം സെന്‍ട്രല്‍ ഡിപ്പോയിലെ മൂന്നാര്‍ സ്വിഫ്റ്റ് സൂപ്പര്‍ ഫാസ്റ്റ് സര്‍വീസ്. രാത്രി 10.30 ന് പുറപ്പെടേണ്ട സര്‍വീസ് മിക്കപ്പോഴും പുറപ്പെടുന്നത് 1 മണിക്കൂര്‍ വൈകി രാത്രി 11. 30 – 12 മണിക്കാണ്. ഓണ്‍ലൈന്‍ വഴി ദിവസങ്ങള്‍ക്കു മുന്‍പേ ടിക്കറ്റ് ബുക്ക് ചെയ്തവരാണ് ഈ ദുരവസ്ഥ നേരിടുന്നത്. അതേസമയം, ഇതിനു ശേഷമുള്ള മൂന്നാര്‍ സര്‍വീസുകളായ 11.15 നുള്ള മിന്നല്‍, 11.45 നുള്ള സ്വിഫ്റ്റ് സൂപ്പര്‍ ഫാസ്റ്റ് എന്നിവ കൃത്യം സമയം പാലിച്ച് തിരുവനന്തപുരം സെന്‍ട്രല്‍ ബസ് സ്റ്റേഷനില്‍ നിന്ന് പുറപ്പെടുന്നുണ്ട്. 8.45 നുള്ള മൂന്നാര്‍- മറയൂര്‍ വഴി പോകുന്ന പഴനി സൂപ്പര്‍ ഫാസ്റ്റ് ബസ് കഴിഞ്ഞാല്‍ പിന്നെ ഉള്ള മൂന്നാര്‍ ബസ് 10.30 നുള്ള മൂന്നാര്‍ സ്വിഫ്റ്റ് സൂപ്പര്‍ ഫാസ്റ്റാണ്.