കൊല്ലം: എന്‍ജിഒ യൂണിയന്‍ നേതൃത്വത്തില്‍ ഭിന്നശേഷി വിഭാഗം ജീവനക്കാര്‍ സംഘടിപ്പിച്ച ധര്‍ണയ്ക്കുനേരെ യൂത്ത് കോണ്‍ഗ്രസുകാര്‍ ആക്രമണം നടത്തിയതില്‍ ജീവനക്കാര്‍ പ്രതിഷേധിച്ചു. വയനാട്ടില്‍ നടത്തിയ സമരത്തിന് നേരെയായിരുന്നു ആക്രമണം. ജില്ലാ കേന്ദ്രത്തില്‍ നടത്തിയ പ്രതിഷേധ പ്രകടനവും യോഗവും യൂണിയന്‍ സംസ്ഥാന സെക്രട്ടറിയറ്റ് അംഗം സി ഗാഥ ഉദ്ഘാടനംചെയ്തു. എന്‍ജിഒ യൂണിയന്‍ ജില്ലാ സെക്രട്ടറി വി ആര്‍ അജു, ജില്ലാ പ്രസിഡന്റ് ബി സുജിത്, സംസ്ഥാന കമ്മിറ്റി അംഗങ്ങളായ സി എസ് ശ്രീകുമാര്‍, ആര്‍ രമ്യമോഹന്‍, ജില്ലാ ട്രഷറര്‍ ആര്‍ രതീഷ്‌കുമാര്‍, ജില്ലാ വൈസ് പ്രസിഡന്റുമാരായ എം എസ് ബിജു, പി മിനിമോള്‍, ജോയിന്റ് സെക്രട്ടറി ഖുശി ഗോപിനാഥ് എന്നിവര്‍ വിവിധയിടങ്ങളിലെ യോഗത്തില്‍ സംസാരിച്ചു.