രാജകുമാരി : ചിന്നക്കനാലിൽ വീണ്ടും കാട്ടാനയാക്രമണത്തിൽ ഗൃഹനാഥൻ കൊല്ലപ്പെട്ടു.. ചുണ്ടൽ സ്വദേശി ജോസഫ് എന്ന വേലുച്ചാമി (62)ആണ് കൊല്ലപ്പെട്ടത്.പന്നിയാർ എസ്റ്റേറ്റിന് സമീപമുള്ള തന്റെ കൃഷിയിടത്തിൽ വെച്ചാണ്ചക്കക്കൊമ്പൻ എന്ന കാട്ടാന ഇദ്ദേഹത്തെ ആക്രമിച്ചത്. ഒറ്റയാനെക്കണ്ട് ഓടി രക്ഷപ്പെടാൻ ശ്രമിച്ച ജോസഫിനെ കാട്ടാന അടിച്ചിട്ട ശേഷം നിലത്തിട്ട് പലതവണ ചവിട്ടി.കൈകളിലും കാലുകളിലും എല്ലൂ കൾ ഒടിഞ്ഞു് നുറുങ്ങിയ നിലയിലാണ്. ശാരീരത്താകമാനം ചവിട്ടേറ്റിട്ടുണ്ട്.ബഹളം കേട്ട് അടുത്ത എസ്റ്റേറ്റിലെ തൊഴിലാളികൾ ഓടിയെത്തിയെങ്കിലും ചക്കക്കൊമ്പൻ അവിടെതന്നെ നിലയുറപ്പിച്ചതിനാൽ അടുക്കാൻ കഴിഞ്ഞില്ല.7 വീതം കാട്ടാനകളുടെ രണ്ടു കൂട്ടം കാട്ടാനകൾ പന്നിയാർ ഭാഗത്ത് ഒന്നര കിലോമീറ്റർ ചുറ്റളവിൽ തമ്പടിച്ചിരിക്കുകയാണ് .ഇവയെ നിരീക്ഷിക്കാൻ ആർ ആർ ടി സംഘവും സ്ഥലത്തുണ്ട്. നാട്ടുകാരറിയിച്ചതിനെ തുടർന്ന് സ്ഥലത്തെത്തിയ വനം വകുപ്പുദ്യോഗസ്ഥർ പടക്കം പൊട്ടിച്ചും ബഹളം വെച്ചും കാട്ടാനയെ ഒരു മണിക്കൂർകൊണ്ട് ഓടിച്ച ശേഷമാണ് ജോസഫിന്റെമൃതദേഹം ഇവിടെ നിന്നും മാറ്റാനായത്. വനം വകുപ്പിന്റെ വാഹനത്തിൽ രാജകുമാരി കുടുംബാരോഗ്യ കേന്ദ്രത്തിലെത്തിച്ച മൃതദേഹം ഇൻക്വസ്റ്റ് നടപടികൾക്ക് ശേഷം ഇടുക്കി മെഡിക്കൽ കോളേജിലേക്ക് മാറ്റി.
ഭാര്യ: ജ്ഞാനമ്മാൾ പന്നിയാർ തേയില എസ്റ്റേറ്റിലെ തൊഴിലാളിയാണ്.മക്കൾ:ഇമ്മാനുവൽ (ഇൻഡ്യൻ ആർമി ) ജാൻസി ,എസർ , മരുമകൾ:- പവിത്ര .
