തൊടുപുഴ: വാഹനാപകടത്തില്‍ ചികിത്സയിലായിരുന്ന യുവാവ് മരിച്ചു.
മുട്ടം നരിയംപാറയില്‍ ജിഹാസ് ഇബ്രാഹിം (24) ആണ് മരിച്ചത്. വ്യാഴാഴ്ച്ച രാത്രി മുട്ടം പെരുമറ്റം കനാലിന് സമീപത്തുണ്ടായ ബൈക്ക് അപകടത്തില്‍ എറണാകുളത്ത് സ്വകാര്യ ആശുപത്രിയില്‍ ചികിത്സയിലായിരുന്നു. ജിഹാസ് സഞ്ചരിച്ച ബൈക്കും മുട്ടം എഞ്ചിനീയറിംഗ് കോളജ് വിദ്യാര്‍ത്ഥികളായ അതുല്‍, ശബരി എന്നിവര്‍ സഞ്ചരിച്ചിരുന്ന ബൈക്കും കൂട്ടിയിടിച്ചാണ് അപകടം. അപകട സമയത്ത് ഇത് വഴി കടന്ന് വന്ന മൂലമറ്റം സ്വദേശി ചന്ദ്രകുമാറിന്റെ ബൈക്കിലേക്കും വിദ്യാര്‍ത്ഥികളുടെ ബൈക്ക് ഇടിച്ച് കേറി. മെഡിക്കല്‍ റെപ്രസെന്റേറ്റീവായ ജിഹാസ് ജോലികഴിഞ്ഞ് മുട്ടത്തുളള വീട്ടിലേക്ക് വരുമ്പോഴാണ് അപകടം. പരിക്ക് സംഭവിച്ച ജിഹാസിനെയും എഞ്ചിനീയറിംഗ് കോളജ് വിദ്യാര്‍തഥികളേയും തൊടുപുഴയിലും ചന്ദ്രകുമാറിനെ മുട്ടത്തുമുളള സ്വകാര്യ ആശുപത്രിയിലും പ്രവേശിപ്പിച്ചിരുന്നു. പരിക്ക് ഗുരുതരമായതിനെ തുടര്‍ന്ന് ജിഹാസിനെ പിന്നീട് എറണാകുളത്തുളള സ്വകാര്യ ആശുപത്രിയിലേക്ക് മാറ്റിയെങ്കിലും ശനിയാഴ്ച വെളുപ്പിന് 2.30 മണിയോടെ മരണം സംഭവിച്ചു. തൊടുപുഴ കാരിക്കോട് നൈനാര്‍ പള്ളി ഖബര്‍ സ്ഥാനില്‍ കബറടക്കി. ജിഹാസിന്റെ പിതാവ്: ഇബ്രാഹിം. മാതാവ്: ഷാജിത. സഹോദരങ്ങള്‍: ഇജാസ്, ഷിയാസ്.
